აირჩიეთ თქვენთვის სასურველი ენა

hu-HU ru-RU bg-BG
ban_02.png

ოტიპაქსის ანოტაცია

ოტიპაქსი 

Phenazone; lidocaine hydrochloride

 

პრეპარატის გამოყენებამდე ყურადღებით წაიკითხეთ ჩანართი ფურცელი! ნუ გადააგდებთ ჩანართ ფურცელს. შესაძლოა მისი გადაკითხვა დაგჭირდეთ. თუ დამატებითი კითხვები გაგიჩნდებათ, მიმართეთ ექიმს კონსულტაციისათვის. ეს პრეპარატი განკუთვნილია თქვენთვის და მისი სხვებისათვის მიცემა არაა მიზანშეწონილი. ამან შეიძლება მათ ზიანი მიაყენოს მაშინაც კი, როცა მათი დაავადების სიმპტომები ემთხვევა თქვენსას. 

 

სამკურნალო საშუალების შემადგენლობა

მოქმედი ნივთიერებები:

ფენაზონი, ლიდოკაინის ჰიდროქლორიდი;

 16 გ ხსნარისა შეიცავს 0.64 გ ფენაზონს და 0.16 გ ლიდოკაინის ჰიდროქლორიდს;

დამხმარე ნივთიერებები: ნატრიუმის თიოსულფატი, ეთანოლი, გლიცეროლი, გამოხდილი წყალი.

 

 

ფარმაკოთერაპიული ჯგუფი.

ოტოლოგიაში გამოსაყენებელი კომბინირებული პრეპარატი.

ფარმაკოლოგიური თვისებები.

აქვს გამოხატული ტკივილგამაყუჩებელი და ანთებისსაწინააღმდეგო მოქმედება. ტკივილისა და დაფის აპკის ანთების შემცირება იწყება ჩაწვეთებიდან 5 წუთში. ტკივილის პრაქტიკულად სრული კუპირება ხდება 15-30 წთ-ის განმავლობაში.

 

 

გამოყენების ჩვენება

ადგილობრივი სიმპტომური მკურნალობა და გაუტკივარება:

•           შუა ყურის ანთების (ოტიტის) მწვავე პერიოდში;

•           ოტიტის, როგორც გრიპის გართულების დროს;

•           ბაროტრავმული ოტიტის დროს.

 

 

უკუჩვენება

დაფის აპკის ინფექციური ან ტრავმული დაზიანება. პრეპარატის კომპონენტებზე მომატებული მგრძნობელობა

 

 

 განსაკუთრებული მითითებები

თუ თქვენ ორსულად ხართ ან კვებავთ ძუძუთი, შეატყობინეთ ექიმს პრეპარატის გამოყენებამდე. დღეისათვის არ არსებობს მონაცემები ამ პერიოდში პრეპარატის გამოყენების უკუჩვენების შესახებ.

 პრეპარატის დანიშვნამდე ექიმმა უნდა შეამოწმოს დაფის აპკის მთლიანობა. თუ მთლიანობა დარღვეულია, პრეპარატის კონტაქტმა შუა ყურის სტრუქტურებთან შეიძლება გამოიწვიოს გვერდითი მოვლენები.

 პრეპარატი არ მოქმედებს ტრანსპორტისა და განსაკუთრებით საშიში მექანიზმების მართვის უნარზე.

 თუ თქვენ გქონიათ ალერგიული რეაქციები, აცნობეთ ამის შესახებ  ექიმს. 

 

 

ურთიერთქმედება სხვა სამკურნალო საშუალებებთან

თუ თქვენ იღებთ სხვა სამკურნალო საშუალებებს, აცნობეთ ამის შესახებ ექიმს. პრეპარატის ადგილობრივი გამოყენებისას სხვა სამკურნალო საშუალებებთან ურთიერთქმედება არ დაფიქსირებულა.

 

გამოყენების წესი და დოზირება

გამოიყენება მოზრდილებსა და ბავშვებში სიცოცხლის პირველი დღიდანვე. ინიშნება 4 წვეთი 2-3-ჯერ დღეში გარეთა სასმენ მილში ჩასაწვეთებლად. მკურნალობის კურსი არ უნდა აღემატებოდეს 10 დღეს.

გამოყენების წინ ფლაკონს უნდა მოეხსნას თეთრი თავსახური და მიეხრახნოს საწვეთური. შემდეგ საწვეთურის ცენტრალურ ნაწილზე მსუბუქი ზეწოლით პრეპარატი ჩაწვეთებულ იქნას გარეთა სასმენ მილში. გამოყენების შემდეგ თავსახური უნდა მიეხრახნოს საწვეთურს და ფლაკონი ჩაიდოს კოლოფში.

 

დოზის გადაჭარბება

 გამოყენების წესის დაცვის შემთხვევაში დოზის გადაჭარბება შეუძლებელია.

 

გვერდითი მოვლენები.

ძალიან იშვიათად – ადგილობრივი რეაქციები: გაღიზიანება, გაწითლება, ქავილი.

ამ და სხვა გვერდითი მოვლენების განვითარებისას შეწყვიტეთ პრეპარატის გამოყენება და მიმართეთ ექიმს.

 

შენახვის პირობები

პრეპარატი უნდა ინახებოდეს ბავშვებისათვის მიუწვდომელ ადგილას.

ტემპერატურა არ უნდა აღემატებოდეს 25ºC

 

ვარგისიანობის ვადა - 3 წელი. პრეპარატი ვარგისია გახსნიდან 1 თვის განმავლობაში. კოლოფზე მითითებული ვარგისიანობის ვადის გასვლის შემდეგ პრეპარატი არ უნდა იქნას გამოყენებული.

 

შეფუთვა

 15 მლ მოცულობის ხრახნიანი თავსახურით დახურული მუქი შუშის ფლაკონი, რომელიც შეიცავს 16გ პრეპარატს, თან ახლავს რბილი საწვეთური. მოთავსებულია მუყაოს კოლოფში.

 

გაცემის წესი - ურეცეპტოდ

 

მწარმოებლის დასახელება და მისამართი

ბიოკოდექსი. გალენი ავენიუ 794250 ჟანტილი-საფრანგეთი